ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
ئوغۇل بالىلىق بولىمەن دەپ چىقارغان بۇ قالايمىقانچىلىقنى كۆرۈڭ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-11-10كۆرۈلىشى : قېتىم
   ھازىر گەرچە ئەر ئاياللار باراۋەرلىكى تەرغىپ قىلىنىۋاتقان بولسىمۇ، ئەمما بەزى كىشىلەردىكى "ئوغۇللارنى ئەتىۋارلاپ قىزلارنى تۆۋەن كۆرۈش ئىدىيىسى" يەنىلا مەۋجۇت. نۇرغۇن كىشىلەر، كىلىنىنى ئوغۇل تۇغقۇچە تۇغىسىز دەپ تەلەپ قويۇپ، ئايال تەرەپكە ناھايىتى ئېغىر بېسىم بىرىدۇ. بىراق، بەزى كىشىلەر، ھەرقانچە قىلىپ باقسىمۇ، ئۈمىد قىلغىنىدەك ئوغۇل پەرزەنتلىك بولالمايدۇ ھەمدە بۇ سەۋەبلىك بەزىبىر قاملاشمىغان ئاماللارنى ئويلاپ چىقىدۇ. بۈگۈن كۆپچىلىككە، دەل مۇشۇنداق قاملاشمىغان ئىشتىن بىرنى سۆزلەپ بىرىمىز.
   لىيۇشى ئەر-خوتۇن، ئوغۇل پەرزەنتلىك بولۇش ئۈچۈن ئىزچىل تۈردە تىرىشىپ كەلگەن بولسىمۇ، ئەپسۇسلىنارلىق بولغىنى، ئۇ ئىزچىل تۈردە قىز تۇغقان ھەمدە بۇ سەۋەبلىك كەنتتىكىلەرنىڭ مەسخىرە قىلىشىغا ئۇچرىغان. لېكىن، لىيۇ ئەپەندىمنىڭ ئايالى ۋېي خانىم ياشقا چوڭۇپ قالغان بولغانلىق سەۋەبىدىن قايتا بالا تۇغالمايدىغان بولۇپ قالغاچقا، ئۇ ئىرىنىڭ پۇل خەجلەپ باشقا ئايالدىن بىرنىڭدىن بالىلىق بولۇشىغا يول قويغان ھەمدە بۇ ئارقىلىق لىيۇ ئائىلىسىنىڭ ئوتىنى داۋاملاشتۇرماقچى بولغان.
   بۇ ۋاقىتتا، مۇ فامىلىلىك ئايالدىن بىرسى، ۋاكالىتەن ھامىلدار بولغۇچى ئانىلىققا تاللانغان. مۇ خانىم ئەسلىدە بۇنىڭغا قوشۇلمىغان، لېكىن ئۇ ۋاقىتتا ئۇ ئەمدى ئىرىدىن ئاجرىشىپ كەتكەن بولۇپ، باشقا ئىقتىسادى كىرىمى بولمىغان ھەمدە ئانىسى راك كېسەللىكىگە گىرىپتار بولۇپ قالغان مەزگىل ئىدى. لىيۇ ئەپەندىم ئۇنىڭغا، ئەگەر ئوغۇل بالىدىن بىرنى تۇغۇپ بەرسە 200مىڭ يۈەن پۇل بىرىدىغانلىقىنى ئېيتقان، شۇنىڭ بىلەن مۇ خانىم، لىيۇ ئەپەندىمنىڭ تەلىپىگە قوشۇلغان. لېكىن، بۇ 200مىڭ يۈەن پۇلنى ئېلىش ئۇنداق ئاسانغا توختىمىغان؛ بۇ نەچچە يىل ۋاقىت ئىچىدە، ئۇ ئىككى قېتىم ھامىلدار بولغان بولسىمۇ، ئەمما ھامىيلە ئوغۇل بولمىغانلىقتىن، ئۇ ھەر ئىككى قېتىمدا بالىنى چۈشۈرۋەتكەن. بۇ ئەھۋال مۇ خانىمغا ئېغىر كىلىپ، بۇنداق كېتىۋىرىشتىن يالتىيىپ،     لىيۇ ئەپەندىمدىن 200مىڭ يۈەننى بىرىشىنى تەلەپ قىلغان. لىيۇ ئەپەندىم بۇنى ئەلۋەتتە رەت قىلغان.
مۇ خانىم بۇنىڭدىن قاتتىق ئاچچىقلىنىپ كەتكەن؛ چۈنكى ئۇنىڭ نەچچە يىللىق ياشلىق باھارى بىكارغا ئۆتۈپ كەتكەن ئىدى، بۇنى ئاز دەپ جىسمانىي جەھەتتىنمۇ زىيانغا ئۇچرىغان ئىدى. شۇنىڭ بىلەن مۇ خانىم لىيۇ ئەپەندىمدىن ئۆچ ئېلىشنى ئويلاپ، ئىلگىرىكى ئىرى بىلەن يارىشىۋالغان ھەمدە ئىلگىرىكى ئىرىدىن ھامىلدار بولغان. مۇ خانىم بۇ ۋاقىتتا لىيۇ ئەپەندىمنى ئىزدەپ بېرىپ، قورسىقىدىكى بالىنى لىيۇ ئەپەندىمنىڭ بالىسى ئىكەنلىكىنى ئېيتقان. شۇنداق قىلىپ، مۇ خانىم تۇغقاندىن كىيىن، ئىرىدىن يۇشۇرۇنچە بالىسىنى لىيۇ ئەپەندىم ئەر-خوتۇنغا تاپشۇرۇپ بەرگەن. بىراق ئۇ پۇلنى تاپشۇرۇپ ئالغاندىن كېيىن، بالىنىڭ قەيەرگە كەتكەنلىكىنى ھەرقانچە قىلىپمۇ ئىرىدىن يۇشۇرۇپ قالالماي، ھەقىقىي ئەھۋالنى ئاشكارىلىغان. نەتىجىدە، مۇ خانىمنىڭ ئىرى بالىنى قايتۇرۋالماقچى بولۇپ، ئىككى تەرەپ ئاخىرىدا سوت مەھكىمىسىگە ئەر قىلىشقان.
    بۇ دىلونىڭ نەتىجىسى ھازىرچە بىزگە نامەلۇم؛ لېكىن بۇ جەريان، بىزنىڭ ئىبرەت ئېلىشىمىزغا يىتەرلىك. بالا مەيلى ئوغۇل بولسۇن ياكى قىز بولسۇن، پەقەت ساغلام ھەم خۇشال چوڭ بولسىلا ۋە كەلگۈسىدە ياراملىق ئادەم بولسا، ئوخشاشلا ئەزىزدۇر. شۇڭا، كونىلىقنى بالدۇرراق تاشلاپ، "ئوغۇل بالىنى قەدىرلەپ قىز بالىنى تۆۋەن كۆرىدىغان ئىدىيىنى" كاللىمىزدىن ئۈزۈل كېسىل چىقىرۋەتمىكىمىز لازىمدۇر.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号