ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

ساغلاملىق

نۆۋەتتىكى ئورنىڭىز : باشبەت » ساغلاملىق  » تۇرمۇش مەسلىھەتچىسى
يۈزىگە تەرخەمەك چاپلىغاننىڭ پايدىسى
مەنبەسى : يوللىغۇچى : تەمزاتبەگ ۋاقتى : 2020-03-23كۆرۈلىشى : قېتىم

  باھار پەسلى يىتىپ كەلدى، شامال كۆپ چىقىدىغان باھار پەسلىنى ھەممىمىز ياخشى كۆرىمىز، ئەمما بەزى دوستلارنىڭ تېرىسى ياقتۇرماسلىقى مۇمكىن. بەزى دوستلارنىڭ تېرىسى، ئەتىياز پەسلى كىرسىلا قۇرغاقلىشىپ، نۇرسىز بولۇپ قالىدۇ. شۇنىڭ بىلەن، ئۇلار بەزىبىر ئۇسۇللارنى قوللىنىپ، يۈز تىرىسىنىڭ نەملىكىنى ساقلاشقا تىرىشىدۇ.

  شۇڭا بۈگۈن كۆپچىلىكنىڭ دىققىتىگە، يۈزىمىزگە تەرخەمەك چاپلاش ئارقىلىق، يۈز تىرىمىزنىڭ نەملىكىنى ساقلاش ئۇسۇلىنى تونۇشتۇرۇپ ئۆتىمىز. چۈنكى، يۈزىمىزگە تەرخەمەك چاپلاشنىڭ ئۈنۈمى ياخشى، ئۇنىڭ ئۈستىگە كۆپ چىقىم كەتمەيدۇ. ئەگەر سىز يۈزىگە تەرخەمەك چاپلاشنىڭ پايدىلىق تەرەپلىرىنى بىلمىسىڭىز، ئۇنداقتا دىققىتىڭىز تۆۋەندىكى مەزمۇنلاردا بولسۇن!

  تېرىنىڭ نەملىكىنى ساقلايدۇ

  ھەممىمىزگە مەلۇملۇق، تەرخەمەك سۇ تەركىبى مول كۆكتاتلارنىڭ بىرى؛ كۈندىلىك تۇرمۇشىمىزدا، بىز تەرخەمەك بىلەن سالات تەييارلاشنى ياكى قورۇپ ياكى خام ئىستېمال قىلىشنى ياخشى كۆرىمىز. لېكىن كۆپ قىسىم كىشىلەرنىڭ بىلمەيدىغىنى، تەرخەمەك ئەمەلىيەتتە، تېرە ئاسراشتىكىمۇ ئۈنۈملۈك قوراللارنىڭ بىرى ھېسابلىنىدۇ، بولۇپمۇ تېرىسى قۇرغاق دوستلارغا نىسبەتەن تېخىمۇ ھەم شۇنداق. تەرخەمەكنىڭ سۇ تەركىبى مول، تېخىمۇ مۇھىم بولغىنى، ئۇنىڭدىكى سۇ تەركىبلىرى يۆتكىلەلەيدۇ.

  بىز تەرخەمەكنى توغراپ يۈزىمىزگە چاپلىغان ۋاقىتتا، تەرخەمەكنىڭ سۇ تەركىبى تەدرىجىي ھالدا يۈزىمىزگە يۆتكىلىپ، يۈز تېرىمىزگە نەملىك يەتكۈزىدۇ. شۇڭا، تېرىسى قۇرغاق دوستلارنىڭ، دائىم يۈزىگە تەرخەمەك چاپلاپ بىرىشىنى تەۋسىيە قىلىمەن، ئۈنۈمىگە ئۆزىڭىزمۇ ھەيران قالىسىز.

  تۈك تۆشۈكچىلىرىدىكى مەينەت ماددىلارنى سۈمۈرۈپ كېتىدۇ

  يۈز قىسىمىمىزغا ھەر كۈنى نۇرغۇنلىغان چاڭ-توزانلار چاپلىشىدۇ، لېكىن بىز بۇنى ھېس قىلىپ يىتەلمەي، يۈزىمىزنى ناھايىتى پاكىزە ھېس قىلىمىز؛ چۈنكى، بىز كۈندە يۈزىمىزنى ئاز دېگەندىمۇ ئىككى قېتىم يۇيىمىز. شۇنداق، بىز كۈندە يۈزىمىزنى يۇغان ۋاقىتتا، يۈزىمىزنىڭ سىرتقى قىسىمدىكى بەزىبىر چوڭ زەررىچىلىك چاڭ-توزانلارنى تازىلاپ چىقىرىۋىتەلەيمىز. لېكىن، كۆز بىلەن كۆرگىلى بولمايدىغان بەزىبىر كىچىك زەررىچىلىك چاڭ-توزانلار بىزنىڭ تۈك تۆشۈكچىلىرىمىزگە كىرىۋالىدىغان بولۇپ، بىزنىڭ تۈك تۆشۈكچىلىرىمىزنى مەينەت قىلىپ قويىدۇ، ھەتتا تۈك تۆشۈكچىلىرىنىڭ توسۇلۇپ قېلىشىنى كەلتۈرۈپ چىقىرىدۇ.

  ئەگەر تۈك تۆشۈكچىلىرى مەينەت بولۇپ قالسا ياكى توسۇلۇپ قالسا، بىزنىڭ يۈز تېرىمىز سۇ تەركىبلىرىنى ياخشى سۈمۈرەلمەي، تەدرىجىي ھالدا قۇرغاقلىشىپ كېتىدۇ ھەمدە بۇ سەۋەبلىك سارغىيىپ نۇرسىز بولۇپ قالىدۇ. بۇنداق ئەھۋالدا، بىز يۈزىمىزگە تەرخەمەك چاپلاپ بەرسەك بولىدۇ؛ چۈنكى، تەرخمەكنىڭ تەركىبىدە بىر خىل فاكتور بار بولۇپ، ئۇ بەزىبىر كىچىك زەررىچىلىك مەينەت ماددىلارنى ئۆزىگە سۈمۈرۈپ يېپىشتۇرالايدۇ.

  شۇڭا، يۈزىمىزگە تەرخەمەك چاپلاپ بەرسەك، يۈزىمىزنىڭ تۈك تۆشۈكچىلىرىدىكى مەينەت ماددىلارنى تازىلاپ چىقىرىپ، تۈك تۆشۈكچىلىرىنىڭ ئەسلىدىكى ئىقتىدارىنى ئەسلىگە ئەكىلىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号