ياخشىمۇسىز ، ئاشپەز تور بېكىتىگە بېكىتىگە خۇش كەلدىڭىز
ئاشپەز تورى

تۇرمۇش يىتەكچىسى

نۆۋەتتىكى ئورنىڭىز : باشبەت » تۇرمۇش يىتەكچىسى » كۆكتاتلار
كۈزدە بۇ كۆكتاتنى كۆپرەك ئىستىمال قىلىڭ، ئۆپكىڭىزنى ياخشىلايدۇ
مەنبەسى : ئاشپەز تورىيوللىغۇچى : تەمزاتبەگ ۋاقتى : 2019-08-22كۆرۈلىشى : قېتىم
   كۈز كۈنلىرى ھاۋا قۇرغاق بولۇپ كىتىدىغان بولۇپ، بۇ ۋاقىتتا، بىزدە ھەمىشە گال قىچىشىش، ئۆپكە قسىم بىئارام بولۇش قاتارلىق ئالامەتلەر كۆرىلىدۇ؛ شۇنىڭ ئۈچۈن، كۈز پەسلىدە ئادەتتە ئۆپكىگە ھۆللۈك يەتكۈزىدىغان يىمەكلىكلەرنى كۆپرەك ئىستىمال قىلىشىمىز كىرەك. بۈگۈن كۆپچىلىكنىڭ دىققىتىگە سۇنماقچى بولغان بۇ كۆكتاتنىڭ ئۇزۇقلۇق قىممىتى ئىنتايىن يۇقىرى بولۇپ، دائىم ئىستىمال قىلغاندا، بەدەندىكى زەھەرلىك ماددا ۋە ئەخلەتلەرنى تازىلاپلا قالماي، يەنە تېخى ئۆپكە ۋە ئۈچەيگە ھۆللۈك يەتكۈزۈپ، تېنىمىزنى تېخىمۇ ساغلام قىلىدۇ. بۇ خىل كۆكتات، دەل قارا قېرىنقولاقتۇر.
   قارا قېرىنقولاق تەركىبىدە يىمەكلىك تالا ماددىسى ۋە ئۆسۈملۈك ژىلاتىنا(明胶) ماددىسى مول بولۇپ، بۇ سەۋەپلىك ئۇ ئۈچەينىڭ قىمىرلىشىنى ئىلگىرى سۈرۈپ، بەدىنىمىزدە قېلىپ قالغان زەھەرلىك ماددا ۋە ئەخلەتلەرنى بەدەن سىرتىغا چىقىرۋىتىشكە پايدىلىق بولىدۇ ھەمدە ئۈچەي يوللىرىنى ياخشىلاپ ھۆللۈك يەتكۈزۈش رولىنى ئوينايدۇ. بۇنىڭ بىلەن بىرگە، قارا قېرىنقولاقنى كۆپ ئىستىمال قىلغاندا، بەدەندە ماي يېغىلىپ قېلىشنى ئازايتىپ، ئۆپكىنى قۇۋۋەتلەش ۋە ئۆپكىگە ھۆللۈك يەتكۈزۈش رولىنى ئوينايدۇ. بۇندىن باشقا، قارا قېرىنقولاق تەركىبىدە تۆمۈر ماددىسىمۇ مول بولۇپ، تۆمۈر كەمچىللىك خارەكتىردىكى قان ئازلىق كىسىلىنىڭ ئۈنۈملۈك ئالدىنى ئېلىش بىلەن بىرگە قېرىشقا قارشى تۇرۇش ئۈنۈمىنى كۆرسىتىدۇ.
   كۈندىلىك تۇرمۇشىمىزدا، قارا قېرىنقولاقنىڭ تەييارلاش ئۇسۇلى نىسبەتەن كۆپ؛ مەسىلەن، بىز ئادەتتە كۆپ ئۇچرىتىدىغان سۇغۇق ئارىلاشتۇرۇلغان قارا قېرىنقولاق؛ ئەلۋەتتە، قارا قېرىنقولاقنى يەنە باشقا كۆكتاتلار بىلەن بىرگە قورۇپ ئىستىمال قىلىشقىمۇ بولىدۇ. بۈگۈن كۆپچىلىكنىڭ دىققىتىگە بولسا، قارا قېرىنقولاقتىن سۇغۇق سەي تەييارلاش ئۇسۇلىنى تۇنۇشتۇرۇپ ئۆتىمىز.
   ئالدى بىلەن، قارا قېرىنقولاقنى ئىلمان سۇغا چىلاپ قويۇپ كۆپتۈرىمىز؛ بۇ جەرياندا، قارا قېرىنقولاقنى چىلىغان سۇغا مۇۋاپىق مىقداردا تۇز ۋە سۇدا قوشۇۋەتسەكمۇ بولىدۇ، بۇنىڭدا قارا قېرىنقولاقنى ياخشى كۆپتۈرۈشكە ۋە يۈز قىسمىدىكى باكتىرىيەلەرنى يوقىتىشقا بولىدۇ. چىلاپ بولغاندىن كىيىن، قارا قېرىنقولاقنى سۇدا نەچچە رەت يۇيۇپ، ئارىسىدىكى مەينەت ماددىلارنى چىقىرۋىتىش لازىم.
   قازانغا مۇۋاپىق مىقداردا سۇ قۇيۇپ، چوڭ ئوتتا قايناتقاندىن كىيىن، يۇيۇپ پاكىزلىغان قارا قېرىنقولاقنى سېلىپ 5-3مىنۇتقىچە قاينىتىمىز؛ قاينىتىپ بولغاندىن كىيىن، قارا قېرىنقولاقنى سۈزىۋىلىپ، سۇغۇق سۇدىن بىر ئۆتكۈزىۋالىمىز.
   قارا قېرىنقولاقنى سۈزۈپ ئالغاندىن كىيىن، سۈيىنى تۇلۇق ساقىتىۋىتىپ قاچىغا سالىمىز؛ ئۈستىگە مۇۋاپىق مىقداردا شىڭچۇۋ جىياڭيۇسى، كۈنجۈت مېيى، ئاق شىكەر، تۇز، ئاچچىقسۇ قوشۇپ، تەكشى ئارىلاشتۇرىمىز.
   كەينىدىن ئازراق يۇمغاقسۈت، غولپىياز مايسىسىدىن ئازراقتىن ئۇششاق توغراپ، ئارىلاشتۇرۇپ تەييارلىغان قارا قېرىنقولاقنىڭ ئۈستىگە چاچىمىز.
   ئاخىرىدا، قازانغا ئازراق ماي قۇيۇپ قىزىتىپ، ئۇششاق توغرالغان ئۇچلۇق قىزىلمۇچتىن ئازراق سېلىپ قورۇپ تەم چىقارغاندىن كىيىن، قىزىق ماينى ئالدىدا ئارىلاشتۇرۇپ تەييارلىغان قارا قېرىنقولاق ئۈستىگە قۇيۇپ تەكشى ئارىلاشتۇرۋەتسەك، بۈگۈنكى سۇغۇق ئارىلاشتۇرۇلغان قارا قېرىنقولاق تەييار بولىدۇ.

ساغلاملىق ۋە تۇرمۇش

بارلىق ھوقوق شىنجاڭ تەمزات مەدىنىيەت تارقىتىش چەكلىك شىركىتى ئاشپەز تور بېكىتىگە تەۋە ئېلان ئالاقە نومۇرى:13999072821 ،新疆塔穆扎提文化传媒有限公司 厨师网站

ئۈرۈمچى شەھىرى 335-نومۇر .ئاقتاش گۇللىكى 6-قەۋەت i ئىشخانا 乌鲁木齐市天山区胜利路355号白玉华庭B座601室

Copyright (c)2009-2018 Www.Axpaz.Cn All rigths | E_Mail: 1436218124@qq.com

تور بېكىتىمىزگە يوللانغان بارلىق تائاملار توردىن يىغىلمىغان بولۇپ، ئەگەررۇخسەتسسىز كۇچۇرسىڭىز قانۇنى جاۋاپكارلىققا تارتىلىسىز ھوقۇق - مەنپەتىمىزگە دەخلى يەتكۇزگەن
ھەرقانداق توربەت سالونلار بولسا دەرھال پاش قىلىپ بىر تەرەپ قىلىنىدۇ .
新ICP备15004026号-1   新公网安备 65010202000516号