كالا گۆشى ھەممىمىزگە تۇنۇشلۇق بولغان يىمەكلىك گۆش تۈرى. ئۇنداقتا سىز كالا گۆشىنىڭ ئۇزۇقلۇق قىممىتى قانچىلىك بىلەمسىز؟

    ھازىرقى زامان تىبابەتچىلىك تەتقىقاتلىرىغا ئاساسلانغاندا، ھەر يۈز گىرام كالا گۆشى تەركىبىدە 72.8گىرام سۇ، 19.9گىرام ئاقسىل، 4.2گىرام ياغ، 2گىرام كاربون سۇ بىرىكمە ماددىلىرى بار بولۇپ، بۇندىن باشقا يەنە نىسبەتەن مول مىقداردا كالىي، ناترى، كالتسىي، ماگنى، تۆمۈر، مانگان، سىنىك، مىس، فوسفور قاتارلىقلار بار.

كالا گۆشىنىڭ ساغلاملىققا پايدىلىق ئامىللىرى:

     1. مول مىقداردىكى تۆمۈر ماددىسى، تۆمۈر ئادەم بەدىنىنىڭ قان ئىشلەپچىقىرىشىدا زۆرۈر بولغان مىنرالنى ماددا؛

    2. زور مىقداردىكى سىنىك ۋە ماگنى، ئاقسىلنىڭ بىرىكىشىگە ياردەملىشىپ، بالىلار كۆپ مىدىرلاش كىسىلى ۋە ياشانغانلار دىۋەڭلىك كىسىلىنىڭ ئالدىنى ئالىدۇ، ئىنسۇلىن بىرىكىش مىتابولىزىمىنىڭ ئۈنۈمىنى يۇقىرى كۆتۈرىدۇ.

     3. زور مىقداردىكى كالىي ئىلمىنىتى؛ ئەگەر كالىي كەمچىل بولسا، ئاقسىل بىلەن ئۆسۈش ھورمۇنىنىڭ بىرىكىشى توسقۇنلۇققا ئۇچراپ، مۇسكۇللارنىڭ يىتىلىشى تەسىرگە ئۇچرايدۇ.

  4. ساركوزىن مىقدارى ھەرقانداق يىمەكلىكتىن يۇقىرى بولۇپ، بۇ خىل ماددا مۇسكۇللارنىڭ يىتىلىشىگە بىۋاستە ياردەملىشىدىغان ۋە كۈچنى ئاشۇرىدىغان ئامىنو كىسلاتاسىدۇر. ساركوزىننىڭ ئادەمنىڭ ئەقلى ئىقتىدارىنى يۇقىرى كۆتۈرۈش ئۈنۈمى بار بولۇپ، ئۇقۇغۇچىلار ئىمتاھان بەرگەنگە ئوخشاش، جىددى ئەقلى ئىقتىدارىنى كۆتۈرۈش كىرەك بولغان سورۇنلارغا ناھايىتى ماس كىلىدۇ.

    5. مول مىقداردىكى ئالانىن؛ ئالانىن يىمەكلىكتىكى ئاقسىللاردىن قەنت ئايرىپ چىقىرالايدىغان بولۇپ، جىگەر ئارقىلىق شىكەر تەركىبلىرىنى ھەرىكەتلەندۈرۈش كەتمەيدۇ؛ جىسمانى كۈچىنى جارى قىلدۇرۇشقا پايدىلىق بولۇپ، جىگەرنى قوغدايدۇ، سالامەتلىكنى ياخشىلايدۇ.

   6. يۇقىرى مىقداردىكى گۆش زەھىرى ئىشقارى، بەدەندىكى ياغلارنىڭ مىتابولىزىمىنى كۈچەيتىشكە پايدىلىق بولۇپ، ياغنىڭ نورمىدىن ئارتۇق ساقلىنىشنى كەلتۈرۈپ چىقارمايدۇ.

  7. يىتەرلىك مىقداردىكى ۋىتامىن B6، ئىممونت كۈچىنى كۈچەيتىشكە پايدىلىق بولۇپ، ئاقسىللارنىڭ ئالمىشىشى ۋە بىرىكىشىنى ئىلگىرى سۈرىدۇ.

   8. تەركىبىدىكى ۋىتامىن B12 بولسا، تەبىئى ئوكسىدلىنىشقا قارشى تۇرغۇچى بولۇپ، تارماق زەنجىرلىك ئامىنو كىسلاتاسىنىڭ مىتابولىزىمىنى ئىلگىرى سۈرۈپ، بەدەننىڭ ھەر قايسى قىسىملىرى ئىھتىياجلىق بولغان ئىنىرگىيىنى تەمىنلەيدۇ.

  9. زور مىقداردىكى ئادەم بەدىنى بىرىكتۈرەلمەيدىغان لىنولېنىك كىسلاتالىق ئېتىل ئېستىرى، ھايۋانات مەنبەلىك يىمەكلىلەرنىڭ ئىچىدىكى تەبىئى ھەم قىممەتلىك بولغان، راكقا قارشى تۇرغۇچى ياغ كىسلاتاسىنىڭ كىلىش مەنبەسىدۇر.